D’Consultatioun vum Site hof360.com a seng Benotzung ënnerleien dem Respekt an der Akzeptatioun ouni Virbehalt vun alle Konditiounen a Warnungen, déi an de folgende Konditiounen enthale sinn. Wann Dir dëse Site benotzt, akzeptéiert Dir dës Konditiounen a Warnungen ausdrécklech an ouni Limitatioun.

JURISTESCH INFORMATIOUNEN

De Site a säi gesamten Inhalt gehéiere RGCoaching360 Sàrl, Gesellschaft mat beschränkter Haftung mat engem Kapital vu 15 000 EUR, där hire Sëtz 89, Rue de Luxembourg, L-8140 Briddel, Lëtzebuerg, ass an déi beim Registre de Commerce vu Lëtzebuerg ënnert der Nummer B214874 immatrikuléiert ass. Telefon: +352 26 33 00 44.

Verantwortlech fir d’Publikatioun: info@hof360.com

Verantwortlech fir d’Kommunikatioun: info@hof360.com

Hosting: OVH Fir méi Informatiounen, kontaktéiert: info@hof360.com

De Site gouf vu plan K advertising (plank.lu) realiséiert an entwéckelt.

WARNUNG

D’Informatiounen, déi op dësem Site diffuséiert ginn, si reng informativ a si net vertraglecher Aart. RGCoaching 360 kann d’Exaktheet, d’Prezisioun an d’Vollstännegkeet vun den Informatiounen, déi op dësem Site zur Verfügung gestallt ginn, net garantéieren. Dofir leent RGCoaching 360 all Verantwortung of:

• fir all Onkloerheet, Ongenauegkeet oder Omissioun, déi d’Informatiounen op dësem Site betreffen;
• fir all direkten oder indirekte Schued, egal wat seng Ursaachen, säin Ursprong, seng Natur oder seng Konsequenze sinn, deen duerch den Zougang vun enger Persoun op de Site provozéiert gouf oder duerch d’Onméiglechkeet, Zougang dozou ze kréien, oder duerch d’Benotzung vum Site oder de Glawen, deen enger Informatioun, déi direkt oder indirekt vum Site kënnt, geschenkt gouf.

RGCoaching 360 behält sech d’Recht vir, den Inhalt vum Site zu all Moment, ouni Preavis, ze änneren oder ze verbesseren. RGCoaching 360 iwwerhëlt keng Verantwortung fir Schued, deen duerch d’Benotzung vun den Informatiounen, déi op dësem Site diffuséiert ginn, an/oder duerch d’Benotzung vun engem Produit oder engem Service op deen dës Informatioune sech bezéien, verursaacht gëtt. Et ass um Benotzer, d’Korrektheet vun den Informatiounen an hir Benotzung ze iwwerpréiwen.

URHIEWERRECHT

Ausser wann eppes anescht uginn ass, gehéieren all d’Informatiounen op dësem Internetserver, all d’Dokumenter op dësem Site an all d’Elementer, déi fir de Site kreéiert goufen, RGCoaching 360 a sinn duerch d’Rechter vum geeschtegen Eegentum geschützt. D’Reproduktioun an d’Benotzung vun allen Dokumenter an Informatiounen, déi op dësem Site publizéiert ginn, sinn exklusiv zu Informatiounszwecker fir de strikt perséinlechen a private Gebrauch bestëmmt an d’Quell muss mentionéiert ginn. All Reproduktioun, Benotzung oder Diffusioun vu Kopien zu aneren Zwecker ass ausdrécklech verbueden a gëtt strofrechtlech sanktionéiert. De Visiteur vum Site kritt keng Lizenz a kee Recht wat d’geeschtegt Eegentum ugeet, ausser d’Recht, de Site ze consultéieren. All Reproduktioun an all Benotzung vu Kopie fir en Zweck, deen net strikt privat ass, ass ausdrécklech verbueden. D’Benotzung vun der Struktur vum Internetsite a senge Software-Elementer, déi ganz oder deelweis d’Datebanke vum Site benotzen, ass nëmme fir eng strikt perséinlech a privat Benotzung erlaabt an all Benotzung zu berufflechen an/oder kommerziellen Zwecker ass strikt verbueden.

MARKENZEECHEN

Ausser wann eppes anescht uginn ass, gehéieren d’Betribsnimm, d’Logoen, d’Produiten an d’Marken, déi op dësem Site zitéiert ginn (® an ™-Produiten) RGCoaching 360. Si dierfen net ouni d’schrëftlech a prealabel Autorisatioun vun RGCoaching 360 benotzt ginn.

DATEBANK

De kompletten Inhalt vun dësem Site gëtt duerch d’Rechter vum geeschtegen Eegentum geschützt, deenen hir Titulairen RGCoaching 360 an/oder seng Fournisseuren a Partner sinn. Wat de juristesche Schutz vun den Datebanken ugeet ass RGCoaching 360 de Produzent a Proprietaire vun allen oder engem Deel vun den Datebanken, déi dëse Site zesummestellen. Wann de Benotzer dëse Site besicht, ass et him ënnert anerem verbueden, de kompletten Inhalt oder e qualitativ oder quantitativ signifikativen Deel vum Inhalt vun den Datebanken um Site hof360.com direkt oder indirekt, duerch e permanenten oder temporären Transfert, egal op wat fir engem Support, duerch all Moyen an ënnert wat fir enger Form och ëmmer, dorënner och iwwer Hypertext-Links, ze extrahéieren, erëmzebenotzen, ze stockéieren, ze reproduzéieren, duerzestellen oder ze konservéieren, an eng widderhuelt a systematesch Extractioun oder Benotzung vu qualitativ a quantitativ net signifikativen Deeler dovun ze maachen, wann dës Operatiounen offensichtlech d’normal Benotzungskonditiounen iwwerschreiden.

HYPERTEXT-LINKS

RGCoaching 360 leent formell all Verantwortung fir d’Inhalter vu Sitten zu deene Links proposéiert ginn of. Wann de Benotzer vum Site Links proposéiert ginn ass dat nëmmen als Service geduecht. D’Decisioun, d’Links ze aktivéieren, läit exklusiv bei de Benotzer vum Site. All einfachen oder déiwe Link oder “Framing” op de Site hof360.com ass strikt verbueden an dofir dierf keen Element vun enger Säit vum Site hof360.com deelweis oder komplett op en anere Site diffuséiert, transferéiert oder agefüügt ginn an dierf net benotzt gi fir derivéiert Produiten ze kreéieren, ausser mat der ausdrécklecher Erlabnis vun RGCoaching 360.

ZWECKER VUM TRAITEMENT VUN DE PERSÉINLECHEN DATEN

D’Informatiounen, déi gesammelt ginn, ginn informatesch traitéiert fir op Är Ufroen ze äntweren. Den Destinataire vun den Donnéeën ass House of Fitness 360 (kommerziell Entitéit RGCoaching360 Sàrl)

DATESCHUTZ

RGCoaching 360 verpflicht sech, all Moossnamen ze huele fir d’perséinlech Daten ze schützen, ënnert anerem fir ze verhënneren, dass se deforméiert, beschiedegt oder un net autoriséiert Drëttpersoune kommunizéiert ginn. Wann Dir eng Kommunikatioun vun den Informatiounen déi Iech betreffe wëllt kréien, da kontaktéiert w.e.g. RGCoaching 360. Dir kënnt Iech och aus legitimme Grënn dem Traitement vun den Daten déi Iech betreffe widdersetzen.

POLITIK IWWER D’PRIVATLIEWEN AN D’VERTRAULECHKEET

RGCoaching 360 behält sech d’Recht vir, d’Informatiounen, déi mat Noriichten ze dinn hunn, wéi den Inhalt, hir Hierkonft oder hir Destinatioun, ze kontrolléieren an ze iwwerpréiwen, wann et raisonnabel ass, dovun auszegoen, dass all oder en Deel vun dëse Kommunikatioune mat illegalen Aktivitéiten ze dinn hunn oder wann d’zoustänneg Autoritéiten den Uerder dozou ginn hunn. Ausser wann d’Kontroll op Ufro vun den zoustännegen Autoritéite gemaach gëtt, betrëfft d’Kontroll vun RGCoaching 360 nëmmen ëffentlech oder net vertraulech Noriichten, dat heescht d’Informatiounen, déi sech op enger Websäit befannen, d’Noriichten, déi een an Diskussiounsforumen oder Mailinglëschte fënnt, ouni dass dës Lëscht vollstänneg ass.

COOKIEN

Dësen Internetsite benotzt Google Analytics, Servicer, déi vu Google Inc. (“Google”) zur Verfügung gestalt ginn. Google benotzt Cookien, dat heescht Textfichieren, déi op Äre Computer placéiert ginn, fir dem Site ze hëllefen, d’Benotzung vum Site duerch seng Benotzer ze analyséieren. D’Daten, déi d’Cookien iwwer Är Benotzung vum Site generéieren (dorënner och Är IP-Adress) gi vu Google op Serveren an den USA transferéiert an do stockéiert. Google benotzt dës Informatioune fir Är Benotzung vum Site ze evaluéieren, fir Rapporten iwwer d’Aktivitéit vum Site fir den Editeur vum Site zesummenzestellen a fir aner Servicer, déi mat der Aktivitéit vum Site a mat der Benotzung vum Internet zesummenhänken, unzebidden. Google kann dës Daten un Drëttpersoune weiderginn, wann eng gesetzlech Verpflichtung dozou besteet oder wann dës Drëttpersounen dës Daten am Optrag vu Google traitéieren, dorënner och den Editeur vun dësem Site. Extern Fournisseuren, dorënner och Google, placéieren Annoncen op Websäiten. Extern Fournisseuren, dorënner och Google, benotzen d’enregistréiert Cookië fir Annoncen ze schalten op der Basis vun de Säiten, déi d’Benotzer vun dësem Site virdru besicht hunn. Google bréngt Är IP-Adress mat kengen aneren Daten, déi Google huet, a Verbindung.

KOMMUNIKATIOUN

D’Kommunikatioun, déi de Benotzer vun de Servicer déi op dësem Site proposéiert ginn, geschéckt gëtt, ob dat elektronesch oder per Post ass, gëtt als vum Benotzer perséinlech empfaangen ugesinn.

ÄNNERUNG VUN DEN ALLGEMENGE BENOTZUNGSKONDITIOUNEN

RGCoaching 360 behält sech d’Recht vir, d’Konditiounen a Warnungen ze änneren.